Huyu Ndiye mwanamziki Mary J Blige: Anaishi jumba la bilioni 1.5


 LOS ANGELES, Marekani 
MWANAMUZIKI Mary Jane Blige ni kati ya wanamuziki mahiri wa Marekani.Blige, aliyezaliwa Januari 11, 1971, pia anasifika kutokana na kuwa prodyuza na kucheza filamu. 

Ameshinda tuzo tisa za Grammy na American Music Award kutokana na muziki wa R&B, Rap, Gospel na Pop. 

Blige alianza muziki mwaka 1992 baada ya kutoa albamu ya kwanza aliyoipa jina la 'What's the 411'. 

Mwanamuziki huyo ameuza zaidi ya nakala milioni 50 za albamu za muziki sehemu mbalimbali duniani. 
Anahesabiwa kuwa miongoni mwa wanamuziki wa R&B wenye mafanikio zaidi katika kipindi cha miaka 25. 

Blige pia amejizolea sifa kubwa kutokana na kazi zake za filamu na manukato. 

Aling'ara katika filamu ya Tyler Perry iliyotolewa mwaka 2009. 

Mwanamuziki huyo anakadiriwa kuwa na utajiri wa kiasi cha Dola 45 milioni (Sh 70 bilioni). 

Mwaka 2004, alianzisha lebo ya Matriarch Records na amekuwa akisambaza kazi za wanamuziki mbalimbali. 
Pia anatengeneza manukato yanayoitwa My Life na My Life Blossom HSN. 

Blige pia ana kampuni ya kutengeneza miwani ya jua ya "Melodies by MJB". 

Pia anafanya shughuli za matangazo na kampuni za Reebok, Air Jordan, Pepsi, Coca-Cola, Gap, Target, American Express, AT&T Inc., M∑A∑C, Apple Inc., Burger King na Chevrolet. 
 
Mwanamuziki huyo anaishi Saddle River, New Jersey, Marekani na anamiliki jumba lenye thamani ya Dola 17 milioni (Sh 26 bilioni). 

Pia ana magari kibao yakiwamo Chevloret, Royce Royce Phantom, Ferrari na Range Rover.

0 comments:

Post a Comment

 

MAMBO YA WALIMWENGU Copyright © 2011-2012 | Powered by Blogger